适合年会演的搞笑小品剧本《爸爸你去哪里了》

该剧中的爸爸去哪里了，和湖南卫视的爸爸去哪儿是不一样的，湖南卫视的爸爸去哪儿是亲子节目，该剧中的爸爸去哪里了，是爸爸和妈妈吵架了，爸爸躲出去了。想不想知道爸爸和妈妈是为什么吵架的吗？跟随小编一起去看看吧！请欣赏搞笑小品剧本《爸爸你去哪里了》







人物：张扬 科长
陈阿嫦 张扬妻子
张小慧 五年级，张扬女儿
小丹 五年级，张小慧同学，章胜军女儿，经常因父母不在家到张扬家吃饭。
不出场人物：
周局长 张扬领导
章胜军 张扬同事
故事概要：主人公张扬是个资深的科长，务实求干，不喜应酬，喜欢厨艺。妻子陈阿嫦总抱怨丈夫不懂变通，偷懒不走捷径。听说张扬的下属章胜军又要升职，就跟丈夫吵起来，从而引发八小时后爸爸去哪里的讨论..故事中还有两个小女孩参与讨论，用孩子的视角看成人的世界，从而说明为官要以实干求实绩，以实绩求认同，以作为求地位的道理。
（场景：傍晚，张扬家。一个普通家庭。客厅摆了一张沙发，电视，电话，餐厅摆着桌椅，上面有碗筷和几个小菜。布幕是湖景，湖面倒映着夕阳、蓝天，湖面有小船，近处有古桥、榕荫、龙舟、凉棚）

（上）
（张扬围着围裙，拿着锅铲，端着菜盘子出场）
张扬（调寄龙飞凤舞）（哈哈）霞光映照绿柳间，云彩点缀着蔚蓝，桃花杏花正烂漫，湖面荡舟爱晴晚（啊）。你再听听那边湖畔湾？袅袅古韵隐约坊间，雀鸟翩翩春燕呢喃，情侣依偎把臂挽（哪）。龙舟、祠堂、凉棚，古桥、榕荫、碧水弯，如诗如画似真似幻，掬水弄花我心静淡。人人话我是个好男儿，勤劳实干胜似凤凰男，闲来动手喜试咸淡 (哪）。切切配配，煎煎焖焖，炒炒滚滚，嫩嫩滑滑，尽显我手势。
（白）忙里偷闲叹美食。老婆，食饭啦
陈阿嫦（貌美，打扮入时，出场）来啦！
（白）我个名叫做陈阿嫦，嫁个老公就叫张扬，人哋叫佢做张科长，佢做来做去就个科长，真系唔知点算好，唔知点算好！
讲起我老公张科长，佢有才又有貌，就系唔懂人情世故世态炎凉。呢：领导做生日，人哋跑去将蜡烛点上，佢就帮人哋加班到天亮；广东扶贫济困日，佢就特别放心上，捐钱比领导仲要多，真系唔知讲乜好，唔知讲乜好。
人哋话佢系湿水棉花──无得弹，我就话佢系海底石斑──好瘀（鱼）啊！
张扬哇，老婆，你出来食饭嗟，使唔使着到鬼火咁靓啊
陈阿嫦好似你咁成身油烟啊？好心你上进D啦，日日系厨房！
张扬自己动手，丰衣足食嘛。
陈阿嫦人哋落班都去稳节目，先学做人，再学做事。你反而中意自己系厨房。
张扬 （白）老婆，宜家唔兴呢一套啦，总书记都叫我哋少D出去应酬，多D翻屋企食饭呐
陈阿嫦 （怒）你净系识低头拉车，总唔识抬头望路嘅！
（调寄平湖秋月）愁愁愁，点解就系你不羁脱潮流，对官职缺运筹，不通人情道理注定蚀底，应该懂得要逐流。
张扬 （接唱）要戒浮躁，戒懒求干，我自从政一点不改变，哪怕晴雨天变，本职工作定做好，无别向艰苦也愿承。
（白）俗语有话：靠人人会走，靠山山会倒，跟事业先致系长久之计啊。
陈阿嫦 （接唱）任你才华尽吐，你若一概不管，只会徒将青春耗。
张扬 （接唱）宽心、宽心，要经得考验，人生必须经风雨，塞翁失马却有机缘，我或鹏程将高远
陈阿嫦 （接唱）就怕此生有若黄粱梦空空。
张扬 （接唱）何必徒增愁怨
陈阿嫦 （接唱）我家阵确系要发癫。你唔见，而家早断了前程。
（白）我今早听人讲单位里面要升一个副局长啊，唔使问，又系章胜军啦。你睇人哋，起点比你低，亦做过你下属，而家已经系风云人物啦！哎，真系沉舟侧畔千帆过，病树前头万木春。
张扬啊？佢咁快又升职？真系天高唔算高，人心比天仲要高。
陈阿嫦哼，佢唔系十足冇耳藤箧靠托！
张扬咁又未必
陈阿嫦你睇家下有D人，平时就：笑骑骑，声大大──冇货卖；
有野做就：好好好──睇唔到，绕埋手──晨早走；
领导系到就：周身郁──扮忙碌，知少少──扮代表；
有功劳就：担凳仔──霸头位，惊死执输。
张扬呢D系典型嘅四风问题，练精学懒。系我哋而家党嘅群众路线教育要纠正嘅主要问题啊！我系淡淡定──有钱剩。
陈阿嫦我话你乌啄啄──任人将至真喇。哎，人人都话嫁公务员好，人哋嫁公务员，我又系嫁公务员，点解人哋咁好，我咁闭翳啊，你话啊。若系未出嫁，我早就掟左煲！
张扬老婆，做官一定要有真本事，要以实干求实绩，以实绩求认同，以作为求地位，得到群众嘅认可，其他都系浮云啊。
陈阿嫦 （起身）我知道你有原则啦！你咪话我唔提醒你，你咁唔识变通啊，个女都睇唔起你啦。我无心情食啦，你自己食到够啦！
（打开门）
张扬 （叫）喂，你去边喇？
（中）
（门外两个小女孩穿着校服，背着书包，正欲进来）
张小慧妈妈！
小丹阿姨！我又来食饭啦，我爸爸妈妈又出去喇。
陈阿嫦哦，放学啦，快D入来食饭！
小丹你千祈唔好讲我系菠萝鸡靠黐啊
陈阿嫦你只马骝仔！
（两小女孩放下书包）
张扬 （拍着张小慧的脑袋攀饿嘛？翻学其实好辛苦嘅。爸爸煮左你最中意嘅餸，快D来食。
张小慧 （（高兴）爸爸就系叻，系单位系工作先进，系屋企仲系个好爸爸。爸爸你对美食咁有心得，不如开个美食专栏啦，个名就叫舌尖上的麻涌！
张扬嗯，都好，专门介绍麻涌美食，讲唔定我嘅作品好快就可以好似麻涌香蕉咁样名扬四海！
陈阿嫦 （挖苦）你爸爸无第样叻，最拿手就系煮餸呢招啦！反正就比唔到你幸福。
张小慧妈妈你错啦，我觉得幸福就系好似宜家咁样，爸爸时时系仔女面前，仔女亦系父母面前，然后平平淡淡，平平安安。
张小慧 （调寄双飞蝴蝶）携手度春秋，共赏春花满月天。似牛母舐深情，相依相偎笑并肩。
张扬 （接唱）今生今世热爱心不变。
张小慧 （接唱）一生一世乐似春归燕。
张扬 （接唱）两相牵，笑声喧，知心若似前世姐妹。
张小慧 （接唱）哪管罡风摧折，只因爸爸伴我。
张扬 （接唱）只因乖女伴我，护苗哺幼尽享乐无边。
张扬 （白）所谓幸福家庭个个相似，幸福其实很简单。（竖起手指头）叻！有老豆真传！明天带你去华阳湖放风筝！
小丹 （眼眶红）小慧你真系幸福，我已经三日无见到爸爸啦。他日日去应酬，我都见唔到佢面
张小慧你妈妈呢？
小丹我妈妈中意出去打麻将，有时索性在朋友家过夜。我嫲嫲唔满意妈妈成日出去，婆媳二人起纷争，你一言我一语，妈妈斗气番娘家，嫲嫲亦番去乡下。你睇下，我宜家其实系个孤儿。
（调寄寄生草）冷冷雨夜寻父母，风吹摇曳黑影叠重重，只是谁个会怜爱伴床边，我灯昏梦醒哭叫无人；橙色小灯需通宵点开了，午夜房门长合闭，仅此得温暖。
张扬 （接唱）怨只怨应酬人情无力变，牺牲团聚罔顾家小为前程。
小丹 （白）我去番学嘅时候，我好羡慕个D爸爸踩住单车送佢哋去翻学嘅同学仔，大家有讲有笑。我特别羡慕你屋企好温暖，爸爸落班就番来同你一齐，我屋企冷清清，我也不想回去。
张扬你唔翻屋企去边？
小丹去玩啊。
张扬吓？咁样好容易学坏哦，细细兜，容易媾。
小丹我屋企好虚伪，爸爸妈妈人前扮对我好，需要我嘅时候，就带我去应酬，每次应酬完，就猛闹我呢度唔啱，个度唔啱，闹我不懂礼貌，唔够得体，唔够醒目。从细到大，我无开心过一日！
陈阿嫦小丹，你唔好怪你父母，佢哋咁样都系为左工作上面有所突破，等你嘅日子可以过得好D
小丹 （怒）哼，佢哋根本就系为左佢哋自己！
（调寄妆台秋思）父亲爱似云烟,整天是为名利，我仅似只棋子,实情我嘅生存亦多余
陈阿嫦 （接唱）吃惊处我怎生是,小娃说话太偏激，你错怪他们，莫怨亲慈，亲恩岂可会抹去成白字
小丹 （接唱）佢真正是糊涂极了，只爱曲意攀附，求神问政更多余，威风嗟来散也容易
陈阿嫦 （接唱）世事..似玄机参不透，有些事..孩儿却看得清楚　　
小丹 （接唱）实干梦可园，怕只怕无本事，怕爸爸以后难有所依。看柳荫归家亦有帘外燕，人却要离家抛亲儿
张扬 （接唱）我暗自吃惊小年纪犹自见，只怨父母偏不见，染尽了春光亦是枉然，轻率错过了儿女成长。
小丹 （白）我谂到爸爸妈妈就憎佢哋，就猛食，因为食我就会觉得好幸福。而家我经常胃痛（欲哭）
张小慧系啊，她上课咯过血。
陈阿嫦 （转过头对张扬攀小丹平时睇落好活泼，古灵精怪咁，原来小小年纪咁多心事啊，仲好自卑添啊。
张扬小丹悟性比小慧高，但系长期被忽视，太危险喇。你成日好似陈年中草药发烂渣，话我唔跟潮流，唔通你想我们嘅女儿都变成咁样？
张小慧妈妈，你唔好成日闹爸爸，爸爸系坚持自己嘅正能量，系个好男人，我对爸爸有信心。
张扬哈哈，大家唔见国家嘅八项规定、六项禁令出来之后，我哋既政风行风都转变左啊，以后啊，公务员肯定都系好男人，唔食烟，唔饮酒、唔赌钱、唔去娱乐场所，更唔会乱媾女。你哋有无见到画总书记嘅一副漫画啊，漫画里面，佢将一枚红色大印章罩系一只鸟笼里面，代表佢将权力关入制度嘅决心啊。
陈阿嫦即系话以后做老婆，吾使自己教育，自然有组织教育。
张扬对，有执行就有力度。所以啊，我哋要有人生追求，脚踏实地走好每一步，要低调做人，高调做事。
陈阿嫦不过最紧要系要进步，赚到钱心里面安定。
张扬你又来喇。现在嘅社会保障咁好，生老病全包，只要跟着共产党走，有乜野好担心！钱生不带来，死不带走！
陈阿嫦钱可以留比个女啊！
张扬两百年前林则徐就讲过留钱无用：仔女如果好似我咁样有作为，留钱比佢哋做乜野呢？既然佢哋有德有才，钱就会损害志向。人要奋斗才能够有自信，有梦想，才能够有幸福感，人生才有意义。你唔见而家都宣传中-国梦吗？如果我哋替佢哋奋斗左，佢哋永远都无法享受到成功嘅喜悦同满足。
陈阿嫦如果仔女无本事总要留钱喇吧？
张扬林则徐又讲，仔女如果唔叻，留钱比佢哋更加唔妥，佢哋净系识洗钱，犯错机会仲多。你唔见新闻上面几多李某某、郭某某啊。
陈阿嫦（低头）我只系唔想个女同我哋咁样挨苦
张扬每一代人都会有这一代人嘅经历，我哋无办法预计，更加无法替他们承受。我哋都挨过苦，但是比起上一辈幸福好多喇。
（调寄月圆曲）几经苦不是苦，遇忧患心志定，认真干不推卸，不无为过一生。山高路远，永合步奔前程。
我哋系度奋斗，亦享受紧奋斗带来嘅幸福。况且，而家我哋国家繁荣兴旺，呢一代人会挨乜野苦啊？
张小慧妈，人哋外国嘅富豪都喜欢将钱捐出去，仔女都自己奋斗。
陈阿嫦 （反驳）问题系我而家都要等人捐比我呢！讲来讲去，就系偷懒唔想进步！

（下）
（电话响起）
张扬（接电话）喂
周局长张扬，恭喜你啊，你要升职啦！
张扬啊？点解系我啊？我无同组织提过要升职啊？
周局长 （笑）哈哈，我就系中意你个人实在。路遥知马力啊，你系匹好马啊，跑耐左就知道你厉害喇，听日来我办公室再倾啦！
张扬 （激动哋敬礼）系！多谢领导！
陈阿嫦 （呆呆哋）原来要升职嘅系我老公啊
（回过神，大喜，拍掌）终于守到云开见月明啰！
（调寄红豆曲）一朝风云际遇，从此吐气扬眉，心花经怒放，看我把前程创！
（娇声）老公.
张扬 （板起脸）真系女人心，海底针，我都受够你个扭纹柴啦。（往外走）
陈阿嫦 （叫）喂，你去边啊？
张扬 （打开门）你自己食到够啦！
张小慧妈妈你平时总系吹错风，总系要赶爸爸出去，爸爸今次真系走啦！
陈阿嫦 （急，跺脚，追，下）老公.
（两女孩捂嘴相视而笑，幕下）


更多年会小品剧本，尽在小品剧本网：https://www.xiaopin58.com